झापा र मोरङका पालिकाको उम्मेदवारको टुंगो

0 0


नेपालदृष्टि । नेकपा एमाले मोरङले जिल्लाका १७ स्थानीय तहमध्ये ११ पालिकाको उम्मेदवारको टुंगो लगाएको छ । 
शनिबार टुंगो लागेका उम्मेदवारमा रतुवामाई नगरपालिकाको मेयरमा दुर्गा विष्ट र उपमेयरमा दमायन्त चुडाल, उर्लाबारी नगरप्रमुखमा गंगा खरेल र उप्रमुखमा मिनु पौडेल, केराबारी गाउँपालिका प्रमुखमा सुमन मिरिङछिन त्यसैगरी लेटाङ नगरप्रमुखमा भुपेन्द्र लावती र उपप्रमुखमा कृष्णकुमारी निरौला, बुढीगंगा गाउँपालिका प्रमुखमा बलभद्र सरदार र उपप्रमुखमा तुलसा विष्ट, ग्रामथान गाउँपालिका प्रमुखमा निवर्तमान प्रमुख शिवनारायण माझी र उपप्रमुखमा गुणावती धामी, कटहरी गाउँपालिका प्रमुखमा सुवास सरदार र उपप्रमुखमा सीता राजबंशी, जहदा गाउँपालिका प्रमुखमा कृष्ण गिरी र उपप्रमुखमा अनिता सोरेन, धनपालथान गाउँपालिका प्रमुखमा मुसहरु मण्डल, सुनवर्षी नगरपालिका प्रमुखमा श्याम गनगाई र उपप्रमुखमा मिराकुमारी दास तथा रंगेली नगर प्रमुखमा हालका प्रमुख दिलिप बगोडिया र उपप्रमुखमा भुमा पराजुली निरौलाको नाम पक्का भएको छ।

झापाका १५ पालिकामै एमालेले टुङ्ग्यायो उम्मेदवार

नेकपा (एमाले) झापाले १५ वटै पालिकाका आसन्न स्थानीय तहको निर्वाचनका लागि प्रमुख उपप्रमुख पदका उम्मेदवार टुङ्गो लगाएको छ । तीमध्ये सो पार्टीले दमक , विर्तामोड नगरपालिका र बुद्धशान्ति गाउँपालिकामा महिलालाई प्रमुख पदको उम्मेदवार बनाएको छ ।

दमकको प्रमुखमा गीता अधिकारी र उपप्रमुखमा अम्बिका खनाल ,विर्तामोडको प्रमुखमा पवित्रा महतरालाई प्रमुख र नगेन्द्र सङ्ग्रौलालाई उपप्रमुखको उम्मेदवार बनाउने निर्णय भएको पार्टीका जिल्ला कमिटी सचिव शिव ढुङ्गेलले जानकारी दिनुभयो ।

उहाँका अनुसार बुद्धशान्तिमा अध्यक्ष मीरा भुर्तेल  र उपाध्यक्षमा धरणी पोखरेल रहनुभएको छ । तीनै पालिकामा प्रमुख पदमा उम्मेदवार पाउनुभएका महिलाले यसअघि उपप्रमुखमा रहेर कुशलतापूर्वक जिम्मेवारी बहन गरिसक्नुभएको छ ।

यसैगरी भद्रपुर नगरपालिकको प्रमुखमा असारु राजवंशी, उपप्रमुखमा कौशिला अधिकारी, कनकाई नगरपालिकाका प्रमुख, राजेन्द्र पोखरेल, उपप्रमुख मञ्जु प्रसाईँ, गौरादह नगरपालिका प्रमुखमा छत्रपति सुवेदी, उपप्रमुखमा जलबर्शा राजवंशी, शिवसताक्षी नगरपालिका प्रमुखमा रोशन थ्रोपा, उपप्रमुखमा नरमाया कार्की, अर्जुनधारा नगरपालिका प्रमुखमा बलदेव गम्देन, उपप्रमुखमा खड्गमाया पराजुली र मेचीनगर नगरपालिका प्रमुखमा गोपाल बुढाथोकी र उपप्रमुख मीना उप्रेतीलाई उम्मेदवार बनाउने बनाइएको छ । 

हल्दिबारी गाउँपालिकामा अध्यक्षमा डम्बर डिरी, उपाध्यक्षमा शान्ता गौतम, कचनकवल गाउँपालिकामा नेपाली कांग्रेससँगको गठबन्धमा उपाध्यक्षमा नवराज भट्टराई, कमल गाउँपालिकाको अध्यक्षमा भीम राई उपाध्यक्षमा उषा भण्डारी, गौरीगञ्ज गाउँपालिकाको अध्यक्षमा विजय अग्रवाल उपाध्यक्षमा पुनम न्यौपाने, झापा गाउँपालिकाको अध्यक्षमा गौरीशङ्कर राजवंशी, उपाध्यक्षमा देवीमाया निरौला र बाह्रदशी गाउँपालिकाको अध्यक्षमा देवेन्द्र चौलागाईँ, उपाध्यक्षमा शान्ता न्यौपानेलाई उम्मेदवार बनाएको छ । अधिकांश पालिकाका उम्मेदवारले आजै निर्वाचन अधिकृतको कार्यालयमा गएर उम्मेदवारी दर्ता गराउने कार्यक्रम छ ।