घरेलु रक्सिलाई ब्रान्डिङ गर्न कार्यदल गठन

(प्रदेस नं. १ सचाचार)

1 0


नेपालदृष्टि । प्रदेश–१ सामाजिक विकासमन्त्री उषाकला राईले घरेलु मदिरालाई ब्रान्डिङ गर्न भन्दै कार्यदल गठन गरेकी छन् । उनले प्रदेश–१ योजना आयोगका सदस्य पूर्णकुमारी लोक्सोमको संयोजकत्वमा कार्यदल गठन गरेकी हुन् ।

कार्यदलमा प्रदेश योजना आयोग सदस्य मीना भण्डारी, मुख्यमन्त्री शेरधन राईका आर्थिक सल्लाहकार महेन्द्रबहादुर गुरुङ, स्नातकोत्तर क्याम्पस विराटनगरका सहप्राध्यापक डिल्लीकुमार प्रसाइँ, प्रदेश कृषि निर्देशनालयका प्रमुख प्रकाश डाँगी, सामाजिक विकास मन्त्रालयका उपसचिव अम्बिकाप्रसाद चौलागाईं, आन्तरिक मामिला तथा कानुन मन्त्रालयका उपसचिव कमलकुमार थापा, प्रदेश योजना आयोगका अधिकृत राकेश निरौला, उद्योग, पर्यटन, वन तथा वातावरण मन्त्रालयका सहायक वनस्पती अधिकृत राजेश तामाङ रहेका छन् ।

माननीय उषाकला राई प्रदेस नं. १ को सामाजिक विकास मन्त्री हुन । उहाँले विगत केही समय देखि लोकल रक्सीलाई नेपाल सरकारले गरिएको प्रतिबन्ध प्रती खरो रुपमा उत्रीदैँ अब फुकुवा गर्नु पर्ने आवाज उठाउदै आउनुभएको छ । जसका लागि “ब्राण्ड बर्सेज ब्राण्ड” भन्ने नारा लिएर सार्वजनिक अभिव्यक्ती दिँदै आउनुभएका राईको चौतर्फी वाहवाही पनि पाईरहेका छन् भनें केहिले बिरोध पनि गर्दै आएको छ ।

कार्यदलको सदस्य–सचिवमा सामाजिक विकास मन्त्रालयका कानुन अधिकृत निर्मल भट्टराई छन् । कार्यदलले ४५ दिनभित्र मन्त्रालयमा प्रतिवेदन पेश गर्नेछ । अवधारणा कार्यान्वयनका लागि सम्भाव्यता अध्ययनको जिम्मेवारी दिइएको मन्त्रालयले जनाएको कुरा आजको नेपाल समाचारपत्र दैनिकले लेखेको छ ।